من نعم ربنا علينا انه ادانا قلب نحب بيه ومع القلب ده
عقل نحكم بيه علي تصرفاتنا وعلي كل حاجة حوالينا صح او غلط
واللي ميستغلش قلبة وعقلة صح يبقي ميستهلش النعمة دي اصلا
دايما احساسنا وتفكيرنا هو اللي بيقودنا في تصرفاتنا
وبتتكون منه احلامنا
والاحلام دي حاجة غريبة اوي
في احلام بنشوفها في النوم
ودي سيبكو منها دلوقت كلام علمي ومعقد وانا مبحبش التعقيد
لكن الاحلام اللي قصدي عليها
هي الاحلام اللي بنشوفها واحنا صاحيين
بنحبها بقلبنا
وبنفكر فيها ازاي نحققها
ونحكم فيها عقلنا
ونبتدي نخليها اهداف لينا
نرسم ليها الطريق الصح
عشان نوصل ليها صح
نحط اهداف صغيرة
نمشي عليها زي النقط والحروف بتاعه زمان في الحضانة
لغاية منوصل للهدف والحلم
كل واحد فينا ليه أهدافه بيسعى علطول أنه يحققها
والمجله هى هدف من أهدافى ألى كنت بتمنى من ربنا علطول أنى أحققه
أنى أعمل مجله تعبر عن أحلامنا .. واراءنا .. وافكارنا للي بيحصل حوالينا
وكل حاجة بتدور فى دماغنا
نقول رأينا فى كل حاجه بكل صراحه ووضوح
من غير خوف ولا قيود ونخلي الباب دايما للأمل مفتوح
العالم ألى حولينا يعرف أحنا بنفكر أزاى شايفين الحياه من أنهى منظور
ويعرفوا ألى يجهلوه عن تفكيرنا ومعتقداتنا
نحيي الحجات الحلوة والصح فيها
ونصحح الغلط
لو كل واحد صحح الغلط في نفسة
كلنا هنبقي صح
وكمان أحنا نتعلم ونعرف ألى نجهله من خلال اخطاءنا
والحاجه الى ممكن نشوفها بمنظور غلط نلاقى التوجيه الصح
علشان تكون النتيجه أننا نشوف عالمنا بصوره واضحه بجد
وزي دينا الاسلامي مقالنا علي لسان رسولنا الكريم – ص –
"كل بني ادم خطاء , وخير الخطائين التوابون "
يعني مش غلط اننا نغلط
لكن الغلط اننا نفضل علي الغلط
المهم
بعد الاحلام الكتير والافكار والتخطيط وكل اللي فات
وبعد الخوف والقلق من الفشل
اتكلنا علي الله وابتديت التنفيذ بجد
عشان احقق احلامي
في الصح
والاحسن
من خلال اسف علي الازعاج
صحاب ليا كتير وقفوا معايا وليهم الفضل أن المجله تتعمل
أولهم المحررين بجد تعبوا لحد ماقدرنا نوصل لبدايه هدفنا
ومن أكتر الناس تعبوا ويستحقوا الشكر جامد
محمود أنور ألى تعب وطلعت عينه لحد ما وصلنا للديزين الموجود حاليا
ومها محمد منصور ألى ساعدتنى فى حاجات كتير
وكل الناس اللي تعبت معايا بشكرها بجد
وبهديلها كل التهاني علي انطلاق مجلتنا
ولكن فى النهايه هى مش نهايه إنما بدايه تحقيق هدفنا
وهسيبكم تقرأوا العدد وهستنى رأيكم
بس أحب أقول
"ما نأمل أن نفعله بسهوله لابد أن نجتهد ونسعى إليه"
"إنسان بدون هدف كسفينه بدون دفه كلاهما سوف ينتهى به الامر على الصخور"
الرئيسية 
البوابة 
أحدث الصور 
التسجيل 
دخول 
